同MARY玩遊戲

落咁大雨，就係屋企同MARY玩下喇。不過屋企冇乜頭飾，頂住先。

第一次影PRE﹣WEDDING冇用頭飾

新娘子本身係單眼皮，貼左2層假眼睫毛，頂番個雙眼皮出黎，當堂精神晒。

今日新娘子有預備，俾左幅相我睇，大概想整咩髮型。將個面型拉長左，睇落去瘦左，真好襯新娘子呀，唔落頭飾都好靚喇。

思琪妹？！。。。真係有D似WOR

睇起上黎真係有D似楊X琪喎。

Michelle擁有住健康膚色，著上呢條湖水藍色晚裝，又幾襯喎！本身男仔頭性格既佢，SET上呢個較女性化既可愛髮型，又OK WOR。

擁有燦爛笑容既新娘係最靚既

今日既新娘子好‘的式’呀，不過眼大大，好靚呀，人又NICE！
影影下相，傾傾下偈，原來佢都係基督徒喎。

點樣先可以保持個靚樣？除左護膚同化妝外，最仲要既係燦爛既笑容喇！

紫色晚妝 ＋ 紫／啡色既眼影

真係好多人鍾意呢條紫色晚妝喎，成日都見到有人試。

今次新娘又揀左呀。。。俾番個紫色＋啡色既眼影佢先。

靚靚化妝師

自開始學化妝到現在全職做，真係識左好多唔同既朋友仔，大家互相分享，互相練習，真係好享受！

今次多謝化妝師朋友借出個樣俾我造型，當中真係學左唔少野，多謝賜教啊！！

紫色晚妝（裝）

今次整左個晚妝造型，用左紫色加啡色眼影，襯埋件紫色晚裝即刻醒晒！而髮型方面，新娘子留海比較長，唔使咁單調，將留海卷起製造立體感。

化完妝SET完頭當然係靚左，但係都要配合埋新娘子既笑容先得。。。真係笑得好甜喎！

DIY第一擊。。。手鏈

為新娘子預備既簡單飾物，前幾日出深水埗買左D珠珠穿手鏈頸鏈，第一擊穿左D簡單款既首飾。

青春無敵

新娘子點解咁細個既？！ 事關Aqua只係客串做我MODEL，未試過著’卦‘既Aqua,就俾佢一試中式嫁衣既滋味！

一個自然妝加上簡單既紅花頭飾，佢個樣實在太可愛啦，完全無出嫁FEEL。。。HAHA。。