留海既變化

而家大部分新娘子都喜歡自然，眼妝方面會用深啡色，亦可加少量閃粉，令到更有立體感。我晚妝通常重點都放係對眼度，所以其他位置既顏色都唔需要太重手。

髮型方面，新娘子如果唔想梳起留海，但係又唔想個個頭款前陰都係咁樣，就可以考慮下呢款前陰喇。束起後面既頭髮，加上一個bling bling既頭飾，好高貴家！！

淡淡既妝加上燦爛既笑容

最近懶左，影完D相，都擺左係度，今日乖乖地係屋企清下先。

黎一個清清地既掛妝，用左粉紅色眼影。好多人好怕用粉紅色，其實粉紅色都可以好靚，唔會眼腫家（當然都要睇下適唔適合自己啦，膚色較黑既，我就唔用粉好色既）。

而個髮型都係用簡單既手卷，加上一個中式頭飾。最近興懷舊，好多人用呢類型既中式飾物，我都唔例外，真係好靚。唔想用鮮花既新娘子，可以考慮下。

中西兩用既頭款

覺得自己好勤力呀，得閒既時候，當然把握時間練習練習。

今次既髮型主要係由辮做成的，可以中式掛頭，或婚紗都OK呀。

～～真係要幫佢護下髮喇，好旱呀。。。

雲石戚風蛋糕～新嘗試

好耐之前想整，但係一路都冇買戚風模，啱啱買左返黎，當然急不及待。今次係照網上一個食譜整雲石戚風蛋糕，不過，磅材料真係好麻煩，所以我成日都差唔多就算，都幾好食丫，不過，一睇就知唔係好有雲石紋啦！

起模時仲俾我整到好核突呀～～～

KAWAII 新娘造型～～快速變髮

今次用左灰紫色晚眼影，做左2個造型。

因為MODEL個樣實在大可愛，所以為配合佢個樣，當然要一個青春少少既髮型。

所以就做左一個側既高辮，睇睇下，個造型有D似日本卡通人物既打扮～～（可能睇得卡通片多）

而第二個髮型，係第一個既快速變髮版，個人都比較鍾意呢個！
（Model個樣有冇少少似隻可愛既小貓呢？）

樂活．家第二擊

今次第二次為呢本親子書拍攝化妝，只要一個自然妝就可以喇。

拍攝過程好開心，小朋友好得意，攝影師氹小朋友都有一手～～讚。

～～～仲有動作指導𠻹

今次出左名之餘，仲出埋公司名呀。。。HOHO。。

金融書～～影封面

今次係幫書既封面人物化妝，我以為唔做銀行之後，就唔會見到呢D金融人， 估唔到仲會接觸到金融界既人物。

失敗左既日式芝士蛋糕

今日好好興致玩整蛋糕，一路都好想整呢款蛋糕，尋日行經灣仔，就去左二德X買料，今日就試整～～日式芝士蛋糕。。。可惜。。。

雖然都係食得，但。。。失敗左。。。個質地成個NY cheese cake咁。同埋用呢個蒸焗方法，屋企又得甩底模，唔個係咪個模有啲入水呢！？遲啲再挑戰你～～

其實我都幾鍾意整蛋糕，不過就好唔鍾意洗，下次都係等老公係度先整～～keke~~叫佢幫手洗。

好好笑。。。爛gap?!

好好笑，爛gap?!。。。家姐講番俾我聽，真係好好笑！！

姐夫帶哥哥（～10歲）去玩滑浪風帆。

姐夫跟家姐說： 我啱啱見到李麗珊。

家姐： 我見唔到喎。

弟弟（～6歲）： 我都見到呀，好大ga ma。

姐夫﹠家姐： （？？？？？？）充滿疑問，問弟弟，乜野好大？！

弟弟：笑笑口，又充滿問號，唔知點答。

姐夫同家姐就好奇怪，問弟弟： 你知唔知李麗珊係乜呀？

弟弟：緊係知啦，係一座山黎家MA。。。

姐夫同家姐爆笑左。。。

小朋友既思維真係好唔同。