推～～Dr. G BB Cream

雖然而家係代妝師，但本身真係好懶自己化妝，每日都係搽下碎粉，頂多畫埋條眉。之前朋友介紹我用一隻BB Cream, 買左黎試左一排，都好OK喎。

用左成日都唔覺乾，又唔會變灰，搽上去時又唔覺X，好方便。

前幾日，瞓醒發現好多斑，就諗到不如影低個BEFORE ／ AFTER。好勇敢咁影左啱啱瞓醒個樣！

個遮瑕度都好OK呀^.^..不過你地去買時記住試下色先喎！！

粉紅色系眼影

今次MODEL本身係單眼皮既，不過有D單眼皮人仕只要用一幅硬少少既眼睫毛，就可撐起變成雙眼皮喇，今日呢個MODEL就係喇！

撐起左個雙眼皮，當堂大眼左。MODEL話如果化妝都係會用D自然既顏色，既然係咁，就用一啲你平時唔敢用的～～～就係粉紅色系～～一啲都唔會眼腫呀，唔使成日用死Earth Tone 麻。

隨心所欲，自由發揮。。。

今日係屋企冇野做，出面又落雨，最好又係練頭既時候。係台灣返黎咁耐，都冇認真練返啲頭。一打開本NOTES，已經忘記得八八九九，哈哈。。。

又黎自由發揮既時間...雖然整法好似有唔同，但都整到個中式掛頭，所以基本功真的很重要啊！（唔記得帶頭飾𠻹，不過都好有層次感）

今次有D懶，無夾頭，又冇梳返好佢D頭髮。。。

黃色眼影都可以好靚

通常化亞洲人都唔會用啲黃黃綠綠既色，尤其係新娘，我都係鍾意自然妝既啡色多D。但今次真係想試下其他顏色，決定用黃＋啡做眼影，SHARP得黎又唔誇，其實黃色眼影都可以好靚，不過，就唔好單色用喇。

我都好鍾意今次個頭，簡簡單單幾條辮就整到喇。不過真係要啡金頭髮先好睇，如果唔係影落去，好容易一餅野啊！

好NICE既Maggie~~

今次有機會認識Maggie李曼筠，幫佢化妝。第一次見面，佢比我想像中NICE好多，完全無架子，讚呀～～

BYE BYE 死皮測試結果

真係得閒又好奇，究竟D死皮係咪真係甩到好似買廣告咁呢，而且我又好鍾意踢拖，對腳都要KEEP得靚靚地見人丫，於是就試下啦。

第一次用呢啲產品，好得意，結果你睇吓下面張相就知喇。只係對腳甩，主要係腳底，而手就一啲反應都冇。大家都想BYE BYE死皮，就試下啦。
（P.S. 不過甩皮時都幾核突，沖完涼要著返對拖鞋，如果唔係就成屋都係你D腳皮。而且甩緊皮時著襪，D皮會‘痴’住你對襪啊）

好期待。。。BYE BYE死皮

一路都好想試下呢樣野，終於係LOGON買左返黎試，等緊睇下佢既效果，要等幾日先會見到有冇用。唔知係咪真係會‘LUCK’晒D死皮呢？好期待。

隻腳果對要包住2個鐘，如果無用呢就。。。

又平又乾淨既洗樸水

今日好似幾得閒，就決定洗下粉樸。之前朋友介紹既一支洗樸水，真係幾好用喎，又平又乾淨，仲好易用。

個粉樸係咪好乾淨呢？