ATTRACTIVE Q﹠Q WATCH 拍攝

早前幫Q ﹠Q呢個品牌既拍攝化妝，你地有冇聽個呢個品牌呢？原來佢係CITIZEN旗下既牌子，係打外地MARKET，係香港好似唔見。

今次佢地要既係自然妝，當然選用我既大愛啡色眼影啦，而今次MODEL係鬼妹仔，本身輪廓好靚喇。

而MODEL既衫係Q﹠Q準備既，我都幫手搭配下啦，見到第一幅相中既耳環，就好鍾意，叫MODEL戴上，好有台型。

拍攝完後，MODEL同我講個妝好靚，突然間好有滿足感呀。

今日終於攞到本CATALOG，攝影師都影得好靚，希望下次有機會再合作！

晚宴頭款

試完中式之後，雖然冇幫佢轉妝，但有幫佢試下唔同造型既頭款，睇下邊個較適合。

唔想將所有頭髮收起，又想有D層次，可以考慮下呢類頭款（頭髮再長少少會再好睇D），將頭髮收到後面，再加上簡單既花花，用來迎賓或敬酒都好OK家。

想溜海有D變化，可以收前面既盤上頭頂，都好高貴大方，再加上一D鑽飾，就PERFECT喇。今次我都用左BLING BLING既鑽飾，其實佢既真身係。。。頸鏈呀。

就黎結婚既朋友不妨參考下。

中式造型與辮子

通常中式裙掛都會係早上穿接新娘同敬茶穿的，所以通常都會配上淡淡既妝就OK啦。

今次都係中式造型呀，又係一個隨意做既髮型。

中式頭款好多時都離不開辮子或卷花，今次就用左辮，睇落去好豐富，好有層次感。

而頭飾方面，好多新娘都喜愛用鮮花做掛頭既飾物，而今次我都用了小玫瑰 （不過係絲花），只用了3朵，就已經好好睇喇，當然如果鍾意可以再加多D，影起相會再多D野睇喇。

自家制皮卡片套～送俾摰愛

實在太興奮喇，新衣車既第一個出品，係送俾老公既皮卡片套。。。

買左部BROTHER衣車，買埋車皮專用車針，今晚開工，睇黎我都幾有天份，車得都幾直丫。

呢D咁既卡片套，出去買都唔平家，所以決定自己車，黎緊會有更多既製成品，可供出售！！

實現了多年既夢想了，也為夢想而努力中，請大家多多支持。

4個小魔怪既拍攝

影小朋友真係唔簡單，今日有4個小朋友，對住3﹣4個鐘，做完野之後極頭痛。

不過呢對孖仔真係好得意，都分唔到邊個大邊個細。

啲小朋友太有吸引力喇，搞到我都唔記得影媽咪個妝TIM。