我懷孕了～～

不知不覺已經有23週喇，懷孕期已經過左一半喇～～好想記底當中種種既經歷！！

今次你計劃性懷孕，所以4﹣5週就知道自己中左獎喇～～未驗孕前己經FEEL到肚脹同平時谷M唔一樣，加上個胸好腫痛，就即刻去驗啦～～YEAH～～

見到時實在太興奮喇～～ 因為之前小產過，所以即刻去睇平時既中醫安下胎～

本來都冇諗住咁快去約政府，但問完人意見之後，知道會好FULL，所以即刻一日約晒醫院同健康院！ 要去政府醫院預約，當然要有醫生紙先啦，就是但落樓下搵個西醫睇～佢好認人俾TESTER叫我去驗多次～但佢既對答令我O晒嘴～

我：醫生我驗到有左呀

醫生：哦係呀，對上一次經期幾時呀？

我：X月X日

醫生：係咪有計劃家？

我： 係呀

醫生：咁你去驗下先啦～（拎TESTER俾我）

驗完返黎～～

醫生：YEI，真係有左喎～

我： O嘴左（心諗玩家）

醫生：又再問你諗住係咪要家？

我：係 （頂都話有計劃要LAW）

醫生：再問你對上一次經期幾時～～～～

咁就收我＄300 ～～

眉筆大比拼～你用開邊隻都可以分享下！

好用？點好？真係要比較下先知。

今次比較既係4支唔同牌子既啡色眉筆，分別係 最淺色既K-Palette, 最平既LanaCane, 有形既EtudeHouse, 同好貴但易上色既M.A.C.

K-Palette Tattoo呢支係日本見到時買既，當時係想買支淺色既眉筆襯返髮色，就攞左支最淺色既，香港LOGON應該都有。易上度都OK， 尾部又有刷，自用好方便，唔想咁實同要淺色，用佢都幾好呀。我就通常用佢上眉前部份，夠自然，不過就短左啲，好快會刨晒。

呢支係咁多支入面最平，最長，最耐用，係Sasa買，深啡色，由學化妝到而家都用緊，因為真係好抵。自己畫眉都係用佢，尤其係眉尾，因為佢都深色。

呢隻來自M.A.C.既眉筆，真係好易上色，質地冇咁蠟質。試過出去同人化妝，遇到啲媽咪婆婆級，都好容易上到色，勁！而且佢係拎既，好方便，唔使刨。但價錢相對貴好多，而且唔耐用，好快用完，同埋個轉咀位好易壞。

之前去上韓妝時，老師俾我地用既其中一樣化妝品就係呢支眉筆，佢同M.A.C.一樣係拎出黎既，而且係三⻆形設計，而且有眉刷。
買佢既原因係覺得佢相對LanaCane易上色，價錢平，轉咀位又順滑啲，可以扭出扭入，可以試下搵佢取代M.A.C.

總結，如撇除價錢，當然M.A.C眉筆係首推，但價錢實在嚇人。第2位，我會揀EtudeHouse，佢夠方便，之前做JOB試上媽媽既眉都好易上色。第3位既當然係夠晒平既LanaCane啦，真係平得好緊要，我一次過買左幾支，因為之前去SASA成日搵唔到啡色，斷貨。不過佢成日畫到滑晒瓦，要係紙上畫幾下先再用得，不過佢一支好長，有排用。
最後就係K-Palette, 佢除左有出淺色系之外，都冇乜特別，而且佢相對地唔係好long lasting,   所以輸晒俾另外3支。

眼袋 VS 卧蚕

都有一陣子有寫BLOG喇，今日見得閒就SHARE下野啦

早排去日本旅行見到既...可以令你個淚袋大D。

眼袋 VS 卧蚕（眼蚕）
我以前都唔音分，唔知原來有卧蚕呢樣野。眼蚕係眼下方，眼袋上方，當笑時會明顯有一點肉咁。就好似台灣歌星小豬，佢就有明顯既眼蚕。有眼蚕既人睇上去精神活潑啲，所以難怪有人會諗到出呢樣PRODUCT。

雖然冇買返黎，但睇說明佢就好以雙眼皮膠紙一樣，但貼係下眼 （等我試下用雙眼皮膠紙得唔得，下次同大家分享）。之前遇到個客話’眼袋‘唔夠大，可能呢個就啱佢用喇。但用完啲眼紋會唔會勁啲就。。。唔知喇。

超貴氣PACKING～～雪花秀Makeup Base

早前托朋友買既雪花秀Base終於開封喇，有鑑於個PACKING實在太高貴，所以要同大家分享下。佢個紙盒包裝睇落去已經好貴氣喇，仲有張成份功用說明 （係用個封入住家）。再加上支‘筆筆’。

打開入面，嘩。。。使唔使咁多層呀。有一層錫紙封口。

睇上去係蝦肉色，但搽上面唔係好覺有色，但有啲珠光面，望上去有啲光澤感，冇咁暗啞。

而質地。。。係CREAM既質地，俾起平時用既GEL狀BASE潤一啲，但我唔覺得泣，對我黎講，再潤啲會再好啲 （因為我係極乾膚質，搽乜吸乜）。

仲有既就係佢係有中藥成份，一聞就聞到，有啲似韓國人蔘糖果隻味，但睇成份見唔到佢話有人蔘呀

總括黎講，如果你想要有少少珠光面既BASE，都一試無妨，佢唔會話好誇，只係輕微。而呢盒野只可自用，帶出去幫人化就...有啲阻，又唔方便。。。所以我既新娘子冇緣試佢喇。

為天后級人馬化靚妝

早前為天后級人馬化靚妝錄影...係教育界既通識天后COSTA．

距離自己中學讀書年代實在大遠喇，補習對我黎講變得好陌生。而家既補習社真係好唔同，多左好多天王天后，偶像補習老師。而家除左教書，TIP題之外，仲要拍埋廣告短片，真係唔易做呀。

第一次見COSTA，佢好NICE喎（同我想像中既補習老師有啲唔同），好好笑容，今次錄影好順利呀，2TAKE搞掂，好快可以收工。

睇下我地既笑容就知～～收工樣～～

BIO﹣OIL去乾紋～讚

有一日...老公眼定定望住我，望左好耐，佢話：『點解你對眼多左咁多紋既？』即時O嘴～～

最近朋友推介呢隻Bio-Oil俾我用，佢話好勁，朋友有疤痕都去到，我就去睇下係乜啦。

寫到好勁呀，妊娠紋都得呀，應該都幾溫和啦，而且係萬寧買都係＄110，不妨一試！

搽左大概一個月，眼紋真係好似冇咁深喎，即刻去俾老公睇，果然得，不過要俾心機，早晚都要用。

佢既質地係BB油咁，雖然油，但又冇生暗粒喎，而且我皮膚乾，都好快吸收到！！而且最後
我決定搽埋條勁～～幻想到塊面白白滑滑，但條勁皺蚊蚊，好恐怖家～～。不過暫時未見起
色，遲啲見效再同大家分享！

有袋既婚紗～～讚

不得不POST呢個，雖然唔係我代新娘，但都要影底，因為新娘子件婚紗... 係有袋家！！！真係第一次見呀。。。

平時新娘子致謝時，都會喊，就要搵紙巾。呢件婚紗係加拿大訂造既，雖然價錢都唔平，但最特別既設計係有袋，新娘可以袋致謝貓紙，紙巾，袋埋電話都仲得～～